夏雪 (已結業)

夏雪，名改到好有詩意，未踏足入鋪頭時仲以為裝修會以白色為主，原來店內燈光較暗，似一間酒吧多過日式甜品鋪。睇完個menu就知此店用心做每一杯咖啡。有d選擇係出面d連鎖店冇嘅。我揀左coffee summer 試下。非常有驚喜，唔單止賣相討好，火燒橙酒加糖，做到獨特嘅焦糖橙香味，將佢加入咖啡裏面，提升哂成杯咖啡嘅香氣，值得一讚！紫薯甜品整體十分好食，個人鍾意窩夫多過心太軟，因為窩夫內有generous portion 嘅紫薯，香甜可口，唔洗落糖漿都好食。呢間小店用心製作食物同咖啡，誠意推介！