Item: 炭之燒鳥
Rating: 0
Author: Subie Yung

誠意小店食物用心豐儉由人

Subie Yung

等级1

2023-12-08

1K 浏览

关注

今晚應約到西貢參加親友餐聚，試了這間喺巿場街的炭之燒鳥yakitori, 真心覺得好味，食得又開心所以想開個post 寫下食評。呢度主打一串串的日式串燒，我地人數多所以試咗好多款食物：牛脷/雞翼係必點的！食yakitori緊係點啲特別部位，雞掌肉串，雞腳筋，雞頸肉，係佐酒之選！油甘魚餃都好好味！我哋一家大細大人邊食邊飲，小朋友都好多選擇，枝豆、烏冬大家都食得好開心。估唔到係佢個燒茄子真好正，燒到軟化去埋皮加上木魚絲喺上面好好食！所有食物即叫即做，制作用心。
最後你想飽肚的話，叫埋佢嘅燒飯團，鵝肝雙蛋飯，就一定飽晒！
呢度食嘢真係豐儉由人，
你鍾意食飽啲就叫多啲肉、烏冬/飯類，想隨便送下酒就叫啲串燒，同行親友之前食過話佢哋唔會hard sell 野食野飲，冇套餐，冇限時，冇最低消費，完全由客人自由配搭。但如果有問題關於食咩點叫法店員相當樂意回答，我哋人均400多，飲咗少少酒，同飲品，又串燒又飯真係飽到上心口。
以一餐呢個食物質素又不限時又唔係咩大集團的餐廳，開放式廚房見佢哋每個餐點默默用心做，今時今日的香港，出街食飯，隨時留意客人需要，真係好多大餐廳都做唔到，真係好唔錯。希望佢哋keep 住做好, 下次去西貢一定係食堂選擇之一！