醒 (已結業)

軒尼詩道轉角位新開了一間主打grab and go 嘅用心小店，大燈泡招牌特別醒神吸晴，完全乎合店名「醒」嘅主題💡老闆娘們都十分年輕同健談，閒談間得知原來店名「醒」嘅固中意思，係希望顧客們食完佢地嘅食物，飲過佢地嘅咖啡飲料後都可以特別醒神，精神奕奕要過新嘅一天💡😆講番啲嘢食先，除咗三文治🥪、沙律🥗等早餐輕食外，仲有好多款主食，例如：意粉🍝、便當盒🍱、連墨西哥餅都有🤩重點係全部都唔係行貨，款款都加入新元素嚟個東南亞cross over 👍🏻仲有lunch set 連飲品都係$6x 起😆靚女店長仲透露話所有沙嗲串、醬汁等都係自家新鮮製作😎希望食客食得開心又放心馬來沙嗲雞肉串燒便當🍱沙嗲雞肉串係自家製，每條親手串成，配上秘製沙嗲醬甜甜嘅又有花生🥜碎，超美味🤤必食推介，便當仲有半隻蛋、沙律，水果🍉，lunch set 仲有埋餐飲，性價比高芝士巴東牛肉墨西哥夾餅🌮️小妹係東南亞美食嘅鐵粉，所以一見哩個fusion 組合就無可能唔點😆巴東牛肉微辣好香，而且已撕成一絲絲再用墨西哥夾餅🌮️夾住烘烤，連同溶晒嘅拉絲芝士🧀️已經好好味，但都唔好錯過附送嘅辣椒醬同sour cream ，一餅食到3種口味👍🏻👍🏻👍