影片
更多
2019-01-15
1732 浏览
👭 尋日同朋友去試試樓上食肆, 旺角區我一般少去, 因為超多人, 好難等位食飯, 🙄 不過之前經過見到好多特色樓上食肆, 無理由唔去試試! 總括嚟講, 呢間樓上食肆食物質素相當高, 推介! 👍🍹 門口有叉有匙做裝飾好明顯係 fusion 西餐啦! 酒類選擇非常多, 不過我哋都唔飲酒, 所以免喇! 反而想試試自家制果茶 & 奶昔沙冰! 店主好喜用花做裝飾, 無論飲品 或 食品, 都會有花, 靚! 食具器皿亦別出心裁, 有別於一般小店, 用心的!🌷📸相機食先的 “煙燻西班牙伊比利亞豬扒＂ $188 🐖 ~ 痴線, 勁好食, 勁 Juicy! 厚豬扒切薄片上, 有小粒芒果中和豬既油膩感, 仲有唔會自家制薯蓉 (食到薯粒足以証明唔係粉開), 店主話豬未全熟仍可放心食, 好, 信你! 我哋好放心咁食晒! 🍅辣蕃茄汁海鮮意粉 $138 ~ 店主推介勁足料少少辣! 老實講, 少少都唔覺辣, 可以再辣 d, 不過料就堅係多, 有蝦, 魚, 青口, 蜆…大量小蕃茄, 意粉軟硬度剛剛好, 每條都掛汁, 分量亦多! 🧀芝士白酒煮海蜆 $84 ~ 店主推介用新鮮海蜆, 砂煲上, 唔知以為係煲仔飯! 果然鮮味非
🍹 門口有叉有匙做裝飾好明顯係 fusion 西餐啦! 酒類選擇非常多, 不過我哋都唔飲酒, 所以免喇! 反而想試試自家制果茶 & 奶昔沙冰! 店主好喜用花做裝飾, 無論飲品 或 食品, 都會有花, 靚! 食具器皿亦別出心裁, 有別於一般小店, 用心的!🌷
📸相機食先的 “煙燻西班牙伊比利亞豬扒＂ $188 🐖 ~ 痴線, 勁好食, 勁 Juicy! 厚豬扒切薄片上, 有小粒芒果中和豬既油膩感, 仲有唔會自家制薯蓉 (食到薯粒足以証明唔係粉開), 店主話豬未全熟仍可放心食, 好, 信你! 我哋好放心咁食晒!
🍅辣蕃茄汁海鮮意粉 $138 ~ 店主推介勁足料少少辣! 老實講, 少少都唔覺辣, 可以再辣 d, 不過料就堅係多, 有蝦, 魚, 青口, 蜆…大量小蕃茄, 意粉軟硬度剛剛好, 每條都掛汁, 分量亦多!
🧀芝士白酒煮海蜆 $84 ~ 店主推介用新鮮海蜆, 砂煲上, 唔知以為係煲仔飯! 果然鮮味非常, 又厚肉又大粒, 用上2種芝士, 滿滿的拉絲, 再有洋蔥粒, 食晒蜆都飲左幾匙汁! 唯一美中不足係無麵包, 如果配埋麵包就最好喇! 🍞
📸相機食先的 “吃吧招牌拼盤＂ $132 ~ 有5款食物, 每樣都細細粒, 一口剛好! 鵝肝酥盒就要3口喇,酥盒尚算鬆脆, 特別在面頭嗰料係青蘋果🍏 酸酸哋中和油膩感! 🍅水牛芝士蕃茄 (清新之選, 不過水牛芝士略淡)! 忌廉煙三文魚 (三文魚咸咸哋, 配 cream cheese 好夾)! 🥚黑魚子鳥蛋, 🦀蟹肉牛油果 (牛油果片包住超多蟹肉)!
🦀 蟹肉牛油果沙律配墨西哥粟米片 $96 ~ 有別於一般墨西哥粟米片, 老闆話自己整到墨西哥粟米片變成一個圓型波, 食時自己將個波波敲爛, 裡面足足有半個牛油果, 有好多鮮味蟹肉, 仲有我最愛的火箭菜, 最欣賞係底層既醬汁 & cream, 好配合, 好好味!
🍹水蜜桃荔枝茶 $56 ~ 超濃味, 呷一啖滿滿的桃味, 反而荔枝味唔突出, 比桃味搶晒! 個樽又別緻, 成個 presentation 好靚, 啱晒我呢 d 相機食先既!
🍯焦糖蜂蜜奶昔 $65 ~ 好香焦糖味, 好幼滑, 有彩色糖粒, 飲既時候會飲到 d 脆脆! 因為唔係超濃厚既奶昔, 飲完唔會好飽!
本來想試埋慢煮牛面頰, 法式黃油雞, 同自家調梳打, 不過太飽喇, 下次啦!😋
张贴
