影片
更多
2019-10-02
70 浏览
依間喺灣仔油站附近嘅樓上廚師發辦，見之前都有講係創意料理，今日我同朋友就貪得意去咗食，點知真係幾驚喜。一坐低就奉上咗蘋果汁加清酒，清甜可口，唔會好烈，十分開胃。飲完之後就有櫻花茶飲，茶會不斷添，加上有熱源溫住，好舒服，仲有得揀自己中意嘅杯。第一道係牛油果他他，上面係牛油果醬，下面係魚生，帶少微微鹹香，用牛油果殼裝返，口感細滑，魚生爽嫩，好有趣。之後係煙熏蛋同鴨胸，煙熏香氣獨特而濃郁，齒頰留香而綿長，個樣仲好靚，有隻鴨仔係度。食完，廚師就會比一杯海水清潔一下口腔嘅雜味，少少鹹，又幾好飲。之後份魚生都好特別，佢有一個好似三文魚子嘅特製海藻，其實係大豆鱗脂加海藻粉，再用傳統手法增味，仲有油甘魚、黑目𩶘、甜蝦、金目鯛，配上特製嘅蠔醬汁，鮮美嘅魚生配上依啲醬汁都好少見，但味道又多咗唔同嘅層次。羊肉湯，上面蒸木魚，好似之前睇電視劇咁，夾埋就係個鮮字，飲落都好新鮮，羊肉唔會好羶，配上木魚嘅淡淡香氣，係不一樣嘅感受。報紙雞，報紙用米紙做，都食得，入面有燒汁雞肉，非常搶眼。仲有用米通、腐皮、魚鱗、吉列做嘅四本炸蝦，各有特色，外脆內軟，唔太大隻唔會好重負擔。食完料理就用菠蘿冰清清個口腔，好清爽。之後食壽司
一坐低就奉上咗蘋果汁加清酒，清甜可口，唔會好烈，十分開胃。飲完之後就有櫻花茶飲，茶會不斷添，加上有熱源溫住，好舒服，仲有得揀自己中意嘅杯。
第一道係牛油果他他，上面係牛油果醬，下面係魚生，帶少微微鹹香，用牛油果殼裝返，口感細滑，魚生爽嫩，好有趣。
之後係煙熏蛋同鴨胸，煙熏香氣獨特而濃郁，齒頰留香而綿長，個樣仲好靚，有隻鴨仔係度。
食完，廚師就會比一杯海水清潔一下口腔嘅雜味，少少鹹，又幾好飲。
之後份魚生都好特別，佢有一個好似三文魚子嘅特製海藻，其實係大豆鱗脂加海藻粉，再用傳統手法增味，仲有油甘魚、黑目𩶘、甜蝦、金目鯛，配上特製嘅蠔醬汁，鮮美嘅魚生配上依啲醬汁都好少見，但味道又多咗唔同嘅層次。
羊肉湯，上面蒸木魚，好似之前睇電視劇咁，夾埋就係個鮮字，飲落都好新鮮，羊肉唔會好羶，配上木魚嘅淡淡香氣，係不一樣嘅感受。
報紙雞，報紙用米紙做，都食得，入面有燒汁雞肉，非常搶眼。仲有用米通、腐皮、魚鱗、吉列做嘅四本炸蝦，各有特色，外脆內軟，唔太大隻唔會好重負擔。
食完料理就用菠蘿冰清清個口腔，好清爽。
之後食壽司，豆紙壽司，紙用豆腐做，入面係牡丹蝦，好靚，蝦又黏牙。三文魚包菜壽司，入面有麻醬，好似食韓燒咁，但清新好多。
蟹膏壽司，用龍蝦湯處理，好綿密，做成糯米口感，香濃馥郁，個概念係來自粽子，用夾仔夾住，好可愛。
跟住就係低溫鵝肝配壽司飯嘅鍋巴，鵝肝口感細滑，類似法國前菜個種半熟鵝肝，鍋巴香脆。辣吞拿魚卷，加上脆片，豐富咗口感。
魚鱗做嘅膠原蛋白配上有機香蕉，香蕉係廚師自家種嘅，膠原蛋白係用魚鱗熬成，十分特別又花心思。
最後係一杯餐後酒，整體創意十足，又誠意滿滿❤️
张贴
