誠日本料理 (已結業)

服務極差的餐廳！1) 一行兩人，訂咗位，準時到達，到咗門口完全冇人招呼，企咗一陣先有待應黎問我地幾位。其實星期五人多係正常既，不過估唔到入咗去其實有位，但冇人帶。2) 我地最後坐係露天的位置，最慘叫天不應，叫地不聞，1點去到，1點半先有人幫手落單，其間搵待應幫手，個個答我『係』，但『係』後就走咗去，激死！3) 好唔容易先黎咗個飯，但係落錯單，叫人黎換叫咗好耐都冇人理，結果我係自己拎返個飯去櫃枱同佢地講錯咗單。4) 再過一陣，仲未有野黎，估唔到個待應問我地『啲野係咪黎齊！』。真係火都黎埋！5) 食完飯，見到隔離左右既枱都有啡咖同甜品，問下待應係咪有包埋，結果得出以下既答案，妙到不得了！！甜品：老闆話《睇下我地忙唔忙啦！唔忙既，我地會special做俾你，忙既話，我地咪唔俾你囉！》　啡咖：待應話《你地趕唔趕吖！我地啲咖啡仲煲緊，如果你趕既就走先，唔趕既，就等下啦！因為要應該有排煲》其實唔恨佢地杯啡咖同甜品，只係奇怪點解大家食一樣既餐，都係lunch hour食，坐隔離枱，但人多食就有野送，人少食既service可以差咁多呢！坦白講，啲野食唔錯，魚生飯幾好味，不過啲服務就．．．．諗清楚受唔受