Mimila (已結業)

馬來西亞雖然未去過，但香港都可以食到星馬菜😎，黎到沙田新城市7樓，就食左呢間mimila 。店鋪既外牆雖然以黑色為主，但入面非常光猛☀️☀️佢既廚房係開放式既廚房，可以睇到哂準備食同飲品既過程👍🏾👍🏾門口有塊大有既牌介紹佢地既招牌麵——馬來辣蝦湯麵，咁有承意去製作個湯底，點都要叫返一碗黎試下再望一望另一邊，原來呢間鋪頭雜誌之前有介紹過，佢以鮮蝦做亮點，就咁睇圖，都已經覺得佢d野好好食了😋😋我地最後叫左個馬來辣蝦湯、咖喱喇沙飯（白毛豬）、同蝦網春卷😎馬來辣蝦湯——- 聽個名碗麵好似好辣咁，但其實唔係好辣，我相信就算唔係咁食得辣嘅人都可以食到呢碗麵。碗麵送到黎嘅時候，已經好香鮮蝦味，而且湯底非常之濃郁，係真材實料。而蝦非常之大隻，而且好爽口新鮮，一啲都唔霉。咖喱喇沙飯——佢嘅飯唔係普通既白飯，飯好香，而咖喱喇沙汁，其實都係唔算好辣，喇沙汁有淡淡的椰香味。不過食完碗招牌面之後，就覺得碗飯相對地比較遜色😅，因為完全比碗面嘅濃湯吸引着。蝦網春卷—— 係新鮮炸出嚟黎既，而且熱辣辣脆卜卜，表層嘅咋網做得好好，非常之鬆脆🤤🤤🤤食完啲熱氣野，叫左杯檸檬薏米水飲，檸檬薏米水好清新，仲有薏米粒食，非常之消暑解渴