嘆燒

营业中

休息中

行過幾次，好日式feel嘅小店。坐喺bar枱，店主會喺你面前燒，燒好後，會用個日式嘅碟排到靚靚咁遞比你，好有壽司師傅遞碟壽司比你嘅feel！牛舌，燒蠔好好食，墨魚咀好鮮甜，燒雞皮好脆好香口，如果有燒雞潤就perfect！燒羊肉甜咗d，有沙嗲味，個人鍾意食騷味重d。佢哋落嘅粉調校得幾好味，有孜然粉香，辣度適合！日式嘅裝潢加埋秋風，置身喺店舖呢隻半戶外設計，好relax。睇得出店主好用心，提我哋芝士燒蠔佢唔落辣，如果唔係味道會好怪，真係要比個like！希望佢哋繼續好生意！