飲嘢 (已結業)

飲野旁邊，有間餐廳叫食野但入到去發現，兩間餐廳係互通，因為係飲野到，都有正餐同小食可供選擇。而食物就會由中間既小通道傳送，又幾得意要左杯推介既奶緹可可，朱古力就飲得多，而奶緹其實係咩味，又真係唔知。可能店員見到我面對住厚厚既奶緹，無從入手咁既樣，就教我點飲。其實就係就咁飲，無需故意攪上面既奶緹，咁就可以每啖都品嘗到少少帶有咸味的奶緹。可可味道頗濃郁，且唔算好甜，幾適合我既口味。雖然平時我都好鍾意食朱古力，但遇到成杯都超甜既朱古力，真係飲幾啖就投降。而我既是日晚餐就係白汁雞柳意粉，本身對呢到既正餐無特別大期望，因為呢到主打係飲品，但點知食物又唔差。雞柳味道雖然咸左少少(我口味都偏淡)，但勝在肉質頗嫩，唔似食緊冰鮮貨色。白汁又唔會太'結'，以36蚊既價錢黎講，真係好好(同時都好食過出面好多間!!!)。