甫入店後感覺裝潢似曾相識，木色檣身及餐枱、黑色梳化及牆上大電視；再細看餐牌，竟然跟附近海星相同。店員奉上餐紙刀叉，原來真是海星，只是用別名另設食店而已。
兩間餐廳同樣提供印式咖喱、大碗飯及麵餐，呢度更有焗飯可選擇。餐牌標題十分有心思-啖啖滋味 香脆無比；warmth & crispy，如此吸引，便點了焗豬扒飯。
奶油豬仔飽
起初並未為意飯餐包括奶油豬仔飽，店員奉上後才看到menu原來已寫上。麵包外脆內軟，焗得十分有水準；包面掃滿煉奶及牛油，每口也甜蜜蜜。相信這就是香脆無比的意思了。
茄汁焗豬扒飯
1
賣相吸引，剛奉上時可看到茄汁仍在沸騰，可見食物焗得相當熱。飯面滿佈茄汁，味道濃郁中又帶點酸甜。有少許芝士作點綴，但芝士味不太濃。豬扒亦烹調得很出色，表面沾過薄薄的蛋漿微煎，香口有口感，肉質亦嫰滑，味道不錯。整個飯焗得透徹，由外至內亦熱辣辣，但若是炒飯底相信更美味。
甜甜嘅奶油豬再加熱呼呼又美味嘅焗飯，食完相當滿足。加上整潔骨子嘅環境及服務態度友善嘅店員，絕對值得再光顧。
