程班長台灣美食 (已結業)

程班長係香港都幾有名氣既台灣菜店(加黃店💛)，等左幾年終於有機會經荔枝角試試佢🙈。今次我地7:30pm左右到，雖然店外好多人等緊，但等左唔曬5分鐘就有得入座，估多數人都係等外賣。你入去個時佢會比個menu你，再叫你去counter 比錢落單。餐廳就無咩fancy decoration，比較似飯堂咁，餐具都係自助形式，要自己拎。落左單大約8-10分鐘就上菜啦，都幾快🤣。我地兩個人叫左兩碗紅燒牛肉麵($53)，一份豆乳雞($32)。牛肉麵既湯底濃郁，唔似其他鋪頭咁重味精味，牛肉就炆到淋，佢既手工粗麵都相當彈牙，正🤩🤩！個麵仲要份量好大，我食到一半已經飽，幾經辛苦先食得曬，我朋友就食到一半就停手，下次都係兩個人share一碗麵算，唔好浪費🤭。豆乳雞就外層幾脆，肉質都幾嫩🤤。今次既體驗都唔錯，d野食都令我地誤以為自己去左台灣。下次會想試埋佢既玉米起司蛋餅同肉燥飯，好期待啊😍!如果你未食過程班長既話，你就一定要搵日去親身體驗下👍🏼👍🏼