九湯屋 (已結業)

今日同家人去咗太古城購物。臨走前想簡單的食埋個晚飯, 於是走去誠品生活裏面有間日式拉麵店"九湯屋"。可能店舖比較細, 可選擇既食品種類比較少。呢間麵店係自助型式, 買完票要等店員叫票號取食物。食物賣相還可。麵既硬度適中, 但日式义燒較薄, 兼且湯底就冇日本札幌味噌風味, 湯底偏淡。我亦點咗兩個小食, 餃子一般, 反而炸雞球幾好味, 雞肉面有少少七味粉, 幾惹味。順便一提, 如果有誠品生活會員咭, 可享有九折優惠。