NINETYs (星光行) (已結業)

係呢段禁晚市堂食嘅日子，要搵一間餐廳去食飯真係好艱難，希望呢個疫情快啲過去，咁各行各業就有啖好食啦，二有咁岩經過尖沙咀嘅星光行，上到去2樓就經過誠品，估唔到誠品裏面有一間餐廳加Cafe，佢嘅環境相當優美因為可以望到無敵大海景，我係下晝5點幾去食嘅，由於佢沒有晚市嘅餐牌，因為開源節流嘅關係，只提供午市同埋下午茶。由於我唔想食得太趕，於是我決定外賣，於是我就揀咗佢一個叫做三文魚沙律配羽衣甘藍配班尼的同配一個Cupcake Blueberry。回到家，打開一看佢嘅擺盤相當精美，顏色配搭像一個花園，而佢嘅三文魚嘅顏色比較紅潤，因為佢上面應該有一些紅菜頭嘅汁去配呢一塊三文魚，配以班尼的，配搭相當新鮮同清新，下面還有一塊多士可以夾住食，而給Cupcake Blueberry係一個茶嚟嘅，但係佢的香味非常之甜同埋香濃，一路拎住去嘅時候都一路聞到佢嘅香味相當相當有驚喜，飲落真係有給cupcake嘅味道，絕對要點的英式紅茶。