有囍 (已結業)

來到太子想搵一間餐廳食下早餐，見到以為有明星＂坐鎮＂嘅餐廳~有喜，本以為可期望有一個唔錯的早餐。可以食到好點的食物，因為畢竟有和明星合照喺門口度嘛，以為都係有一定嘅口碑的。點知入到去之後唔單止我認為佢哋嘅服務一般，一個道地嘅出前一叮肉丁麵都做得一般般，唔單止上菜速度非常之慢，服務態度都係非常之差，喺臨走嗰陣時，有三個人排隊，為咩呢？為咗可以買單要排隊去俾錢，奇怪呢！買單都要排隊？同事帶位嗰陣時，更奇怪，有四個位，分別俾咗兩位客，排前的四位客一頭煙，由入咗嚟一路一肚氣，到你離開又一肚氣，貴客自己諗下你會唔會來，我就唔會啦！亦都希望呢一間餐廳唔好淨係做門面功夫，要有實質嘅服務，食物同埋流程着手，做好日後嘅生意！