月爐．端燒

营业中

休息中

最近去咗一間食爐端燒嘅居酒屋，小店裝潢有氣氛，菜式用心製作。 一坐低就試咗個酒粕煮大蜆，湯底呈奶白色，清甜帶淡淡米香，酒香深沉；蜆肉肥美大粒鮮味，飲完成身暖笠笠。味噌螢光魷魚都好正，魷魚爽口，味噌醬濃郁得嚟唔會太鹹，送酒一流。 串燒方面，雞皮燒到脆卜卜，冇特別調味但好香雞皮味。雞軟骨同雞腎都好爽口，調味剛好。燒汁日本黑豚五花腩同鹽燒牛小排串啖啖肉，豚肉肥瘦均勻，牛小排嫩滑有肉香。串燒白鱔皮脆肉嫩唔腥，唔錯！ 主食試咗三文魚燒飯團同迷你鰻魚飯，飯團燒到外層焦香，三文魚同魚籽增加口感同味道層次；鰻魚飯細細碗但醬汁同魚肉比例啱啱好，又唔會太飽。最後個牛肉壽喜燒鍋，牛肉吸滿湯汁，蔬菜都好豐富，好滿足。