影片
更多
2022-10-14
80 浏览
介紹返💁🏻♀️。。🇹🇼 台式居酒屋 在炮台山 🇹🇼。一品活蝦 Yi Pin Prawn。京華道9-27號富利來商場地下2-4號舖。烤澎湖墨魚香腸。HKD128 + 10%冷盤油雞。HKD138 + 10%奶油蝦。HKD198 + 10% @ 小燒酒蝦。HKD258 + 10%🤫 各位觀眾..隆重介紹近排食過其中一間食完冇耐就已經想快啲去返兜嘅台灣菜..講緊嘅就係位於北角..但係其實喺炮台山站落車近啲嘅一品活蝦..上個禮拜唔知星期六定星期日約咗飯腳仔去高先睇神探伽利略..咁睇戲之前梗係要食餐飯先啦..左諗右諗決定去試吓唔知喺邊度見到介紹一間專食蝦嘅台灣小店🤫 一入到一品活蝦嘅門口發現..舖頭仔細細又幾骨子喎..佢哋嘅格局四四正正..有一間房入邊有一張大枱..然後外邊就有四張細枱仔..係咁多..成間舖頭以木嘅傢俬為主..乾淨舒適再加少少特色🤫 侍應姐姐非常之好客..坐低之後就Keep住介紹佢哋最出名嘅唔同菜式..又問我哋食唔食得辣啊..鍾唔鍾意食乜乜物物啊咁樣..最後我揀咗奶油蝦一細份再加一份燒酒蝦..另外兩個小食🤫 先講吓最最最吸引到我..而且搞到飯腳仔都夠膽同我爭食嘅烤澎湖墨魚香腸..
。
。
🇹🇼 台式居酒屋 在炮台山 🇹🇼
。一品活蝦 Yi Pin Prawn
。京華道9-27號富利來商場地下2-4號舖
。
烤澎湖墨魚香腸
。HKD128 + 10%
冷盤油雞
。HKD138 + 10%
奶油蝦
。HKD198 + 10% @ 小
燒酒蝦
。HKD258 + 10%
🤫 各位觀眾..隆重介紹近排食過其中一間食完冇耐就已經想快啲去返兜嘅台灣菜..講緊嘅就係位於北角..但係其實喺炮台山站落車近啲嘅一品活蝦..上個禮拜唔知星期六定星期日約咗飯腳仔去高先睇神探伽利略..咁睇戲之前梗係要食餐飯先啦..左諗右諗決定去試吓唔知喺邊度見到介紹一間專食蝦嘅台灣小店
🤫 一入到一品活蝦嘅門口發現..舖頭仔細細又幾骨子喎..佢哋嘅格局四四正正..有一間房入邊有一張大枱..然後外邊就有四張細枱仔..係咁多..成間舖頭以木嘅傢俬為主..乾淨舒適再加少少特色
🤫 侍應姐姐非常之好客..坐低之後就Keep住介紹佢哋最出名嘅唔同菜式..又問我哋食唔食得辣啊..鍾唔鍾意食乜乜物物啊咁樣..最後我揀咗奶油蝦一細份再加一份燒酒蝦..另外兩個小食
🤫 先講吓最最最吸引到我..而且搞到飯腳仔都夠膽同我爭食嘅烤澎湖墨魚香腸..其實墨魚腸喺出邊都食得多..唔知點解呢度烤得特別好味嘅呢..嗰種香烤嘅味道..嗰種外皮脆卜卜嘅口感..再加返一片生蒜..簡直係不得了..差啲就想嗌多一碟㗎啦
🤫 然後就介紹飯腳仔大讚嘅冷盤油雞..雞肉柔嫩滑溜..帶有輕輕嘅麻油味..清涼嘅口感..再夾啲薑蔥又係一絕
🤫 再嚟當然係一品活蝦嘅主角..蝦蝦蝦蝦蝦啦.. 最出名嘅胡椒蝦我唔夠膽叫呀..因為聽講都幾辣幾嗆口..所以我最後嘅選擇係淨係睇個名都知吸引到我嘅奶油蝦..果然不出我所料放上枱嘅呢一刻..我被嗰種牛油香氣深深吸引呀..而且啲蝦都非常之入味..真係忍唔住連啲殼都舐乾淨..而且雖然話就話係細份..都有成七大隻大頭蝦㗎..有啲仲有好多蝦膏添啊
🤫 而最後要介紹嘅就係相當之補身嘅燒酒蝦..一拎出嚟好大好大一浸藥材味..侍應姐姐提我地拎定兩隻蝦出嚟攤一攤凍佢先好食..(因為真係熱到飛起🤭)然後再裝碗湯嚟飲吓先..咁老實講我同飯腳仔都唔係好受得住藥材嗰陣特別嘅味道..嗰啲藥材味相當濃而且仲有回甘..我哋飲咗一碗就已經搞唔掂啦..但係唔知點解用藥材煲嘅蝦反而更加鮮甜喎..咁我哋就飛快咁樣食晒所有蝦剩返啲湯囉..
🤫 另外呢..我哋仲一人攞咗一罐台灣啤酒嚟飲吓..所謂嘅攞..係因為呢度係自助形式咁樣開雪櫃揀嘢飲嘅..當然唔係免費㗎啦..不過自己隨便揀嚟飲嗰個感覺又幾開心㗎喎..我哋兩個分別揀咗唔同牌子嘅葡萄啤酒..兩隻都幾好味呀..最可惜係我心愛嘅菠蘿啤酒賣晒咋..下次嚟食一定要飲返兩罐先至抵
🤫 好啦..嘢食嘢飲都介紹完..姐姐熱情嘅服務態度亦都講埋..就係唔記得提吓大家..其實呢度都幾受歡迎㗎..一邊喺度食一邊都聽到好多電話打嚟Book位..大家要試就趁手啦
。。
翻兜指數：🙆🏻♀️🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
张贴
