影片
更多
2022-07-19
98 浏览
介紹返💁🏻♀️。。🇹🇼 餃子 在觀塘 🇹🇼。木金餃子製作所 Papa Dumpling。駱駝漆大廈三座6樓E2室。經典口味餃子 (可選兩款各四隻)翡翠白菜豚肉餃。韭菜蔥頭豚肉餃。臭臭香荽豚肉餃。椰菜玉米豚肉餃。深海紫菜豚肉餃。有營纖維素菜餃。HKD58 @ 湯餃。HKD68 @ 煎餃特色口味 (可選兩款各四隻)韓式泡菜豚肉餃。和風咖喱豚肉餃。香辣榨菜豚肉餃。黑松露芝士豚肉餃。大大隻鳳城蝦蝦餃。HKD68 @ 湯餃。HKD78 @ 煎餃@ 湯餃選湯 - 日式特濃豚骨湯 / 是日濃湯 南瓜濃湯白桃烏龍冷泡茶。HKD14🤫 之前無意之中見到有人介紹木金餃子製作所..見佢係一間專食餃子嘅餐廳..又幾特別喎..即刻約個朋友仔去試吓先🤫 舖頭細細嘅木金餃子製作所雖然係喺工廠大廈入邊..但係全間舖頭用嘅擺設都係以銅同木作為重點..簡單得嚟又幾有Style喎🤫 好..嗱嗱聲介紹吓呢度啲嘢食先..咁當日為咗樣樣都試吓..同朋友仔Share咗兩份餃子..一份湯餃一份煎餃..湯餃我哋揀咗大大隻鳳城蝦蝦餃併黑松露芝士豚肉餃..其實鳳城蝦餃就係一隻超大隻嘅鳳城水餃..入邊非常足料..應該有嘅大大蝦仁..木耳..
。
。
🇹🇼 餃子 在觀塘 🇹🇼
。木金餃子製作所 Papa Dumpling
。駱駝漆大廈三座6樓E2室
。
經典口味餃子 (可選兩款各四隻)
翡翠白菜豚肉餃。韭菜蔥頭豚肉餃。
臭臭香荽豚肉餃。椰菜玉米豚肉餃。
深海紫菜豚肉餃。有營纖維素菜餃
。HKD58 @ 湯餃
。HKD68 @ 煎餃
特色口味 (可選兩款各四隻)
韓式泡菜豚肉餃。和風咖喱豚肉餃。
香辣榨菜豚肉餃。黑松露芝士豚肉餃。大大隻鳳城蝦蝦餃
。HKD68 @ 湯餃
。HKD78 @ 煎餃
@ 湯餃選湯 - 日式特濃豚骨湯 / 是日濃湯 南瓜濃湯
白桃烏龍冷泡茶
。HKD14
🤫 之前無意之中見到有人介紹木金餃子製作所..見佢係一間專食餃子嘅餐廳..又幾特別喎..即刻約個朋友仔去試吓先
🤫 舖頭細細嘅木金餃子製作所雖然係喺工廠大廈入邊..但係全間舖頭用嘅擺設都係以銅同木作為重點..簡單得嚟又幾有Style喎
🤫 好..嗱嗱聲介紹吓呢度啲嘢食先..咁當日為咗樣樣都試吓..同朋友仔Share咗兩份餃子..一份湯餃一份煎餃..湯餃我哋揀咗大大隻鳳城蝦蝦餃併黑松露芝士豚肉餃..其實鳳城蝦餃就係一隻超大隻嘅鳳城水餃..入邊非常足料..應該有嘅大大蝦仁..木耳..肥瘦適中嘅豬肉全部都有齊..因為有咗木耳成個餃子都變得爽口..加上豬肉嘅彈牙..好好味呀
🤫 而黑松露芝士豚肉餃..又係另外一個好味之選喎..一咬開件餃子就食到又聞到香濃嘅黑松露味..反而芝士就唔係特別重..不過原來黑松露配中式嘅餃子有幾襯㗎喎..最重要係加上濃郁嘅豬骨湯底..用一個銅壺仔倒落去啲餃子上邊..過癮得嚟又好味
🤫 再嚟就係講吓煎餃啦..白菜豚肉餃併香荽豚肉餃..咁白菜豚肉餃呢..因為係最傳統最普通嘅餃子..真真正正睇到包餃子嘅人嘅廚藝..白菜豚肉份量感覺係3:2..肉相對多啲..而且有肥肉亦都有瘦肉..口感相當吸引..餡料又夠Juicy..然後香荽豚肉餃味道當然更加香濃啦..鍾意食芫荽但係又未去到瘋狂嘅人(譬如係我..)就覺得呢個份量比例完美..有芫荽味但係唔會過分..然後混合半肥瘦豬肉..又係彈牙又爽口..再加上睇相都睇得到佢哋嘅餃子煎得相當香脆..而且乾身唔油膩..
🤫 之前都冇太大Expect喺工廠大廈細細一間餃子舖原來都可以做到咁好味嘅餃子之餘..佢哋仲有唔同嘅調味料俾大家揀..有傳統嘅鎮江醋啦..又有柚子醋..辣椒油同甜豉油..另外仲有麻辣榨菜絲同埋蝦米辣菜脯..哎..差啲唔記得講..佢哋仲有酸酸咪咪好好食嘅醃製白蘿蔔..成件事開胃晒
🤫 咁嘢飲嚟講..除咗汽水之外就好似我咁可以揀佢嗰啲冷泡茶..白桃冷泡茶桃味唔算香濃不過勝在解渴
🤫 順帶提提大家..如果有興趣去呢間小店度試吓啲餃子嘅話..記得嚟到之前去撳定機呀..佢哋暫時淨係收現金㗎咋
🤫 仲有仲有..雖然話呢度係銅同木Deco..但係記得記得呢度只係一間小店..乾淨企理簡簡單單嘅小店..唔係打卡嘅餐廳..
🤫 黃色經濟圈
。。
翻兜指數：🙆🏻♀🙆🏻♀️🙆🏻♀️️🙆🏻♀️ （5個🙆🏻♀️為翻兜爆燈）
。。
张贴