鉄の味 (已結業)

我今晚都去咗食, 真係唔好期望會食得飽!1. 薯蓉: 如娃娃所講, 味道唔差, 但配菜應該擺咗好耐, 好乾, 好冇誠意!2. 池魚+三文魚刺身: 每人兩塊三文魚, 每塊2cm x 2cm x 0.8cm厚, 真係好細; 池魚每塊2cm x 0.5cm x 0.15cm, 好似魚肉碎咁!3. 吞拿魚腩壽司: 細件, 每人得一件, 但幾好食!4. 蜆湯: 唔覺得隻蜆新鮮, 好似煲咗好耐咁, 個湯仲有少少燶味, 應該煲燶咗!5. 炒雜菜+和牛: 雜菜係芽菜+椰菜, 佢加咗好多黑椒, 偏辣, 份量真係好少; 和牛煎得熟得滯(可能因為太薄), 好乾, 真係麻麻!6. 鵝肝: 真係好細, 三角形, 每條邊唔超過3cm, 麵包的size係鵝肝的一陪!7. 炒飯: 其實炒得幾好食, 只係油咗少少, 但真係得半碗, 隻碗仲要唔係大!8. 法式綠茶燉蛋: 幾好食, 但好細杯!好彩我去食之前睇咗食評先, 先至冇乜期望, 如果唔係會食到呆咗, 但真係一啲都唔抵食!題外話, 我坐吧枱, 見佢係sink盆洗魚起魚鱗, 啲水彈晒落針板, 又係呢個針板度開魚, 跟住再砌刺身, 真係幾污糟下, 魚的表面係好多細菌, 咁