影片
更多
2021-12-23
97 浏览
「鼎家喜筷」，睇個名同嘜頭都知同鼎爺有關。聽聞餐廳邀請左鼎爺做顧問設計菜式，除左傳統中菜之外，仲有中西合壁既菜式，甚至中西式甜品都有，今日放假行開荃灣一於試下佢杏汁花膠燉白肺湯（$108）價錢雖然唔平，但絕對物有所值，一揭開就有好香既杏仁味，而且有好多豬肺，入口會感覺到咀唇有微微既黏性，證明好足料燒味夾饃雙拼2件 （$56）呢度既夾饃就好似饅頭做既中。式漢堡包咁，一件係夾叉燒，一件係燒鵝肉。叉燒係半肥瘦，肉質夠淋，加埋青片瓜一齊食可以減低油膩感。燒鵝肉加上青瓜、同甜麵醬，再用饅頭夾住，感覺好似北京烤鴨卷😂火焰原隻燒鵝脾（$198）今餐既主角，聽聞呢度既燒鵝用鮮果醃製，除左令肉質更淋之外，仲可以辟除羶味。而且仲用冰水浸過鵝身，令鵝皮收縮，燒出黎更鬆化。燒既時候廚師會用大火將油份迫出，入口會更脆皮同鬆化。話就話燒鵝脾，但都差唔多有4份1隻，拎係手好有份量，店員會連爐上拎俾你自己燒，最特別既係個爐既燃料係橙酒，所以食既時候會食得出果香。燒既時候見住d鵝油滴哂出黎已經流哂口水，燒好之後，店員會幫你斬件。連同餐廳自家製既柑橘醬同芥末醬一齊上枱。用果肉醃過既鵝肉加上柑橘醬一齊食，每一啖都充滿果香，
杏汁花膠燉白肺湯（$108）
價錢雖然唔平，但絕對物有所值，一揭開就有好香既杏仁味，而且有好多豬肺，入口會感覺到咀唇有微微既黏性，證明好足料
燒味夾饃雙拼2件 （$56）
呢度既夾饃就好似饅頭做既中。式漢堡包咁，一件係夾叉燒，一件係燒鵝肉。叉燒係半肥瘦，肉質夠淋，加埋青片瓜一齊食可以減低油膩感。燒鵝肉加上青瓜、同甜麵醬，再用饅頭夾住，感覺好似北京烤鴨卷😂
火焰原隻燒鵝脾（$198）
今餐既主角，聽聞呢度既燒鵝用鮮果醃製，除左令肉質更淋之外，仲可以辟除羶味。而且仲用冰水浸過鵝身，令鵝皮收縮，燒出黎更鬆化。燒既時候廚師會用大火將油份迫出，入口會更脆皮同鬆化。話就話燒鵝脾，但都差唔多有4份1隻，拎係手好有份量，店員會連爐上拎俾你自己燒，最特別既係個爐既燃料係橙酒，所以食既時候會食得出果香。燒既時候見住d鵝油滴哂出黎已經流哂口水，燒好之後，店員會幫你斬件。連同餐廳自家製既柑橘醬同芥末醬一齊上枱。用果肉醃過既鵝肉加上柑橘醬一齊食，每一啖都充滿果香，而柑桔醬既酸甜味亦都化解左燒鵝既油膩，相得益彰。
炸忌廉芝士方塊（$68）
芝士控必點，麵包糠炸到脆卜卜，入面係忌廉芝士，咬落外脆內軟，連埋黑醋醬一齊食，可以減低飽滯感
凍朱古力咖啡（$42）
雖然餐廳主打係中式燒味，但係做西式既Mocha都唔差，除左賣相討好之外，朱古力同咖啡味都好香濃👍
张贴
