簡咗位坐底就水都冇一杯
就即刻有位姐姐企定定喺隔離等我落單，我話轉頭落單，我睇咗一陣再叫人嚟，今次係個肥叔叔，四萬咁嘅口問我想食咩，都係水都冇杯俾我，
少少哋就試吓個下午茶，叫咗個XO醬金菇肥牛炒烏東下午茶餐，再加$6叫咗杯凍檸賓少冰；凍檸賓講明少冰，就同正常冰冇分別，即刻叫肥叔攞個杯仔俾我，又係四萬咁口攞嚟，
拔咗細半杯冰出嚟，淨返大半杯檸賓飲；
仲話係咪蹝嘢食店，真係配咩？！等一陣好快就有XO醬金菇肥牛炒烏東食，係我自己要走韮走蔥，所以成碟嘢都係黑墨墨嘅豉油色，
香味就當然只有豉油香，完全冇XO香味，
食落更加冇XO味，加幾辣椒絲就話會辣，辣都唔辣下，只得個咸字，仲話係少鹽少糖食店，真係一啲都唔配。肥牛份量一般，但金菇得一兩條，想搵多條都冇，烏東麵質太淋，如果炒嘅就唔應該太淋。整體嘢食唔值得再食，水吧先生沖嘢飲沖得太麻木喇，多啲留意火記寫客人嘅要求，樓面員工服務非常好，識對客人笑，只要記得客人入坐時係唔係都整杯水先實冇死。一間餐廳最緊要係啲嘢好食，有幾好嘅服務都係唔會發揮得到，有幾近民居都係冇用，啲嘢唔好食永遠都唔會有回頭客。
