Lockeroom Dining (譽發廣場) (已結業)

最近有朋友介紹我去食一間性價比好高嘅餐廳，今日咁啱過到嚟旺角附近，當然要試一試。首先嚟到嘅時候，都幾有驚喜，因為裝修佈置係有主題，平時有睇開波嘅應該會好興奮😆而且落地窗戶可以睇埋出邊嘅風景，雖然都冇乜嘢睇，但成個感覺幾好。 我哋嗌左兩個Dinner set 沙律：份量都幾多，而且入邊有水果爆珠，食起嚟酸酸地，好開胃餐湯:類似意大利菜湯，幾好飲，仲有餐包添！《脆炸流心低卡芝士吉列西班牙橡樹果黑毛豬柳》$198睇個樣已經覺得好吸引，鋸一下之後中間啲芝士即刻流晒出嚟，好邪惡，豬扒又炸得好香脆，口感一流，側邊仲有蛋黃醬，點埋一齊食味道更加好。《香燒美國Creekstone牛肉眼拼法國鵝肝》$236肉眼扒真係冇得輸！我哋嗌左七成熟，燒得好好，有牛味之餘都好juicy，唔會dry！鵝肝方面，個人覺得可以再煎香啲，味道屬於正常沒有太大驚喜，整體都唔錯。《特濃朱古力心太軟》$46.8如果嗌咗晚市套餐，可以六折嗌佢哋嘅甜品，呢個心太軟面頭有一塊朱古力博片，溶化左之後就會好似有層脆皮咁樣包住個蛋糕，心太軟超流心，加上朱古力味好濃，又唔會覺得太甜好好味！ 總括來講呢度食物價錢環境都非常唔錯值得一試。