茶木‧台式休閒餐廳 (已搬遷) 新店位置

依家去親商場食野多數都要等位，是夜來到荃灣茶木，估唔到七點未到都已經要等位了，叫左牛肉麵，熱水果茶，酥炸蠔餅，炸花枝，墨魚汁麵，紅棗茶。 牛肉好腍，正呀！食完唔怕會痴牙！水果茶都係凍既好味啲，熱左既水果總係覺得怪怪地咁。蠔餅份量十足，忍唔住狂食。炸花枝都香口，但share食就好難切開，同埋會散開曬咁。熱紅棗茶滋潤又夠補，最岩女士飲。重點當然係食蜜糖吐司，呢個名叫芒果蜜糖磚塊，每次食親都會話：自己整，其實唔難。但總係未試過動手整，唯有心癮起就再黎食吧！唯一唔好既就係有限時，都食得幾急下。