十八座狗仔粉

营业中

休息中

某週五同男友去搵食, 嚟到見到幾乎坐滿哂, 剛好有最後2個位, 真係好好彩。(之後就開始有人龍了)可能因為人手不足, 所以執枱, 落單, 傳菜時間都比較耐少少, 等咗一陣就開始叫嘢食啦。我地叫咗: 大狗仔粉--一嚟到已經聞到好大陣蔥蒜味, 湯味道好香, 不錯, 但有少少杰身, 而狗仔杰好似煮得太耐, 有D過淋。 炸丸--有牛, 豬, 墨, 貢丸, 一般的炸丸, 但灑上咗D調味粉, 幾惹味。 大雜燴--蘿白幾甜, 個汁幾特別, 甜甜地...但個個人口味唔同, 我就唔太鍾意個汁。總括嚟講: 味道平平, 係炸丸比較好食, 其他都係一般般。如果未食過, 又唔洗排隊的話, 可以一試, 但食過一次就夠了。