影片
更多
2009-08-03
34 浏览
無論一仔講到幾好，都係自己親身去試最實際。為左咁，小弟去左兩次，分兩個時段，一次係晚市第一個鐘，一次係午市第一個鐘。試拉麵條，試刀削麵條，每次叫幾腕，亦試冷盤；一次坐近入口，一次坐正廚房玻璃前。綜合觀察如下：－ ”普通”同”加底”既麵條，個服務員會話”加底”咩都多D，實際其實只係多隻POACHED蛋，牛肉都係丁咁多，麵條既份量同普通既一樣咁少，如果刀削仲少得可憐。（計番條數都係，”加底”就係 ”普通”加隻所謂溫泉蛋既價錢！）點解咁肯定，因為親眼見，出兩腕麵，個侍應同個靚仔講有一腕加底喎，咁個靚仔就打隻蛋落去，that's it.－ 牛肉無論普通定加底都得好少，第一次去幾好，夠稔，不過第二次去係柴皮。論肉味，唔突出，白灼咁。－ 只有刀削麵條值得食，手拉麵條完全唔得，一PAK，完全唔彈，第一次以為係佢煮得太耐，不過第次去都一樣，仲睇住佢拉同煮。相信係用廉價低筋麵既關係。－ 麵又少，牛肉又少，份量計係唔抵食。不過湯就唔算少，咁有如何呢？－ 好老實，個湯真係完全食唔出任何青藏味，話落好多種香草，不過真係落好少，淡得好可憐，一味得牛味。－ 咁一個齋牛肉牛骨濃味清湯有咩好飲？得個牛味，同埋果Ｄ蒜油
綜合觀察如下：
－ ”普通”同”加底”既麵條，個服務員會話”加底”咩都多D，實際其實只係多隻POACHED蛋，牛肉都係丁咁多，麵條既份量同普通既一樣咁少，如果刀削仲少得可憐。（計番條數都係，”加底”就係 ”普通”加隻所謂溫泉蛋既價錢！）點解咁肯定，因為親眼見，出兩腕麵，個侍應同個靚仔講有一腕加底喎，咁個靚仔就打隻蛋落去，that's it.
－ 牛肉無論普通定加底都得好少，第一次去幾好，夠稔，不過第二次去係柴皮。論肉味，唔突出，白灼咁。
－ 只有刀削麵條值得食，手拉麵條完全唔得，一PAK，完全唔彈，第一次以為係佢煮得太耐，不過第次去都一樣，仲睇住佢拉同煮。相信係用廉價低筋麵既關係。
－ 麵又少，牛肉又少，份量計係唔抵食。不過湯就唔算少，咁有如何呢？
－ 好老實，個湯真係完全食唔出任何青藏味，話落好多種香草，不過真係落好少，淡得好可憐，一味得牛味。
－ 咁一個齋牛肉牛骨濃味清湯有咩好飲？得個牛味，同埋果Ｄ蒜油（佢地撈起煮既麵之後，未放湯前，必澇呢樣野），單調呆板至極。諗落幾諷刺，屋企人煲老火湯就嫌老土，出去飲齋牛肉牛骨湯就好感激？！咩世界？！
－ 個湯第一次去仲落唔夠鹽，好淡，第二次就ＯＫ。
－ 由麵條到肉既份量之少，到下湯香料既貧乏，到用低質麵來拉麵條，可見老板真係相當孤寒。呢樣野，從佢預備午市晚市材料既手緊程度，更見一斑，小弟兩次都係第一個鐘去，已經咩都話無，千萬唔好以為係太好生意，佢地得十八個位，午市去果日坐滿，外面等既得三個。只係老板材料準備得真係好少，一個鐘已經無刀削麵，製造出一個假象。
－ 做玻璃廚房其實有辣有唔辣，唔係個個好似日本菜師傅咁煮食兼表演。
－ 佢地無請專人洗腕，得個侍應洗；檯櫃載筷子，所見油立立。
－ 冷盆試左青瓜同牛肉，非常麻麻，唔香，一味酸。見佢地既衛生程度，早知米搞。
－ 話牛肉包好落湯煲，保持肉味，親眼見佢地撈舊肉上來切，原來係用保鮮膠包住舊肉，好得人驚。
總結，唔抵食，唔特別，試過就算。
张贴