一品刀削麵 (已結業)

午餐時段想試下比較有特式嘅餐廳，經過呢間便入去試下，點不知都係普通科，沒有期望便沒有失望。望住餐牌幾分鐘，款式同套餐配搭唔太吸引，勉強點了手撕雞刀削麵加杯豆漿。麵同手撕雞係另上，碗麵無問題，反而果碟汁碟咁細嘅手撕雞賣相完全唔掂，芫茜都無條，個黑醋汁唔香，又唔辣，係有蒜蓉，但又食唔出有蔴油香味，仲衰過我係屋企自己撈。食到中途唔夠飽，想加錢加多個餸叫白菜餃，（我當然知道呢個規舉唔啱）但我見巿道咁差，諗住搏一搏問下果位男侍應，當然被一口拒絕啦！今時今曰又話生意難做，想加錢點多個餸都拒絕，食物又唔係驚為天人咁好食，我真係無乜理由再令我幫襯佢囉。