影片
更多
2014-11-29
4150 浏览
諗住試新野，之前見呢間都幾多好評，所以就揀左放假帶埋媽咪黎試下首先，比較特別既係，好少見日式放題會有不限時，所以單憑呢點可能已經吸引到唔少人環境：都算幾整齊企理，地方幾大，可能因為當日唔算多人，所以坐得幾舒服，侍應既服務態度都幾好飲品：選擇唔多，唯一出色既係冷熱清酒任飲寫點菜單既時候有少少嚇一跳，以放題黎講得好少野可以揀，刺身款式少得好可憐，只得基本既三文魚吞拿魚，連北寄貝同甜蝦都無，呢點真係好失望，但好奇怪地放題有得揀火鍋同火鍋配料。咁當然喺配料係唔可以有咩期望啦，另外，有好多食物都係點菜單上面無既，要喺餐牌度搵完再抄返個編號落去，無左食放題最方便既一樣野，下下要揭餐牌逐頁搵好唔方便，最吊詭既係，要成張枱以人頭計每位加60蚊先可以“upgrate”菜單，先會多左幾款選擇，包括甜蝦同雪糕糯米磁 呢間放題實在有太多地方令人費解，多過兩個人既正常都唔會加，好似我咁，4個人就要加240蚊，已經多過一個人既收費 再黎，講下食物刺身，成日黎錯，無論我寫數量幾多都係會黎錯，寫左10片，都係黎得4片俾我，呢個係咪就係不限時既代價？最重要既係，刺身食落唔新鮮，唔係話好難食，只係放題黎講，刺身靚係最基
首先，比較特別既係，好少見日式放題會有不限時，所以單憑呢點可能已經吸引到唔少人
環境：都算幾整齊企理，地方幾大，可能因為當日唔算多人，所以坐得幾舒服，侍應既服務態度都幾好
飲品：選擇唔多，唯一出色既係冷熱清酒任飲
寫點菜單既時候有少少嚇一跳，以放題黎講得好少野可以揀，刺身款式少得好可憐，只得基本既三文魚吞拿魚，連北寄貝同甜蝦都無，呢點真係好失望，但好奇怪地放題有得揀火鍋同火鍋配料。咁當然喺配料係唔可以有咩期望啦，另外，有好多食物都係點菜單上面無既，要喺餐牌度搵完再抄返個編號落去，無左食放題最方便既一樣野，下下要揭餐牌逐頁搵好唔方便，最吊詭既係，要成張枱以人頭計每位加60蚊先可以“upgrate”菜單，先會多左幾款選擇，包括甜蝦同雪糕糯米磁 呢間放題實在有太多地方令人費解，多過兩個人既正常都唔會加，好似我咁，4個人就要加240蚊，已經多過一個人既收費
再黎，講下食物
刺身，成日黎錯，無論我寫數量幾多都係會黎錯，寫左10片，都係黎得4片俾我，呢個係咪就係不限時既代價？最重要既係，刺身食落唔新鮮，唔係話好難食，只係放題黎講，刺身靚係最基本
熟食，好多普遍既款式都無，無我最愛既清酒煮蜆，但有清酒煮青口 想點？芝士焗蠔，太多芝士，好漏，但粒蠔細到食左都唔覺，我淨係感覺自己食左好大一啖芝士，迷你肥牛烏冬，個烏冬一啲都唔迷你，但成個碗得一塊迷你肥牛 冷烏冬，食落好似未煮熟既生烏冬咁，硬既，難得似樣少少既係，牛油炒雜菇，金菇肥牛卷同牛柳粒
最後就係甜品
一睇餐牌，最吸引既雪糕泡芙寫住售罄
之後無意中見到有度寫住滿4個人就送每人一份雪糕糯米磁，不過要主動問侍應佢先會比你，黎到之後，當堂覺得好彩無加60蚊位升級，粒雪糕糯米磁似係超市買盒家庭裝裡面獨立包裝嗰啲超迷你一小粒
唉，所以，如果只係諗住同朋友邊傾計邊慢慢食，又無乜要求但求飽肚既話，大可以為左“不限時”呢一點去試下，但如果對食放題都稍為有少許要求的話，就無謂去嘥錢
张贴