炊二哥圍爐 (已結業)

今日無意之中發現將軍澳有間來自成都既四川菜，餐廳用矮身嘅木枱木凳，裝修充滿地道川菜館特色。圍爐煮茶：老鷹茶（茶味清香，先澀後甘，消滯解膩）配小食拼盤（南瓜、花生、紅棗、栗子），一邊飲茶一邊食烤小食，別一番風味，由於朋友唔係太食到辣，我哋叫鰻魚滑酸菜金湯鍋，雖然係二人鍋，我諗3-4人都夠食，湯底入面超足料，濃郁好味，有鰻魚滑、蝦滑、鴨血、豬皮、豬膶、鵪鶉蛋、沙巴魚、鳳爪等，特登嗌多個寛粉條，再配埋酸菜，湯越滾越濃，而且咁多材料，真係啖啖都唔同口感，味覺刺激，好滋味。串燒：點左雞腎同魷魚鬚，一串一口，幾過癮，串燒灑上孜然粉，好惹味飲品：沙棘原汁，平時少飲，酸中帶甜，好開胃甜品：醪糟湯圓，香濃酒味，湯圓煙靭炊二哥冰粉：冰粉係茶味幾特別，食落去冰冰涼涼好舒服，值得一試！