金蘋菓餅店

营业中

休息中

提早一日係金蘋果訂左栗子蛋糕，芒果鋪面，一磅，$155，用會員卡八折，$124。即場可以買芒果蛋糕，有現貨，亦可以即寫牌。仲有些切餅，細細件賣。不過一路食開一磅，一家人分，份量剛剛好。取完搭車回家，聽聞其他區既人專誠入元朗買金蘋果，好誇張。一打開，芒果舖面，有菠蘿、黃桃、士多啤梨，加個牌。切開，栗子餡厚厚一層，海綿蛋糕，忌廉，比例均勻。軟綿細滑，老人細路都岩食，唔會太甜。四個人分，每人兩件，係非常抵食，一下子就清光。比起有d連鎖餅店，質素更高。栗子餡足料，味道自然。係唔錯，值得一試。之前一直食芒果蛋糕，今次轉下口味，整體唔錯。但相比下，芒果蛋糕果然係鎮店之寶！