米線陣 (已結業)

今日黎開青衣，到左晚飯時間，因為唔係太肚餓，食米線又唔洗等太耐位，就一於試下呢間「米線陣」啦。麻辣雲吞: 辣度適中，食起黎都好彈牙，皮都算薄，可惜份量比較少，得5粒，兩個人分好似唔多夠咁。特盛米線:呢個米線就好似某著名雲南米線店既過橋米線，咩配料都有D咁，但係係「米線陣」特別既係有好多唔同既湯底揀，唔係只係辣度，剁椒麻辣湯，醇醋酸辣湯，玩命辣湯，農場蕃茄湯，同埋濃香清湯。今日我地揀既係農場蕃茄湯，蕃茄湯底熱辣辣，清甜而且有唔少真蕃茄，誠意可加，我地仲試下用麻辣雲吞既辣汁加落D湯底到食，真係好好味呀。