依間＜塚田農場＞位於地下好多餐廳果層。
自己好鐘意食牛油果同三文魚。果日睇餐牌見佢既牛油果三文魚丼飯好似幾吸引咁，就走左入去食。
結果真係勁後悔！
牛油果同三文魚，基本上依個配搭只要材料新鮮，就一定唔會難食。
我成世都未想像過一個牛油果三文魚丼飯竟然可以難食到咁
首先以為佢會用日本米，始終都係打住日本餐廳既名堂…
結果佢用既米係勁細碎、唔圓潤唔黏口唔飽滿，汁又勁少。
三文魚同牛油果好似鋪得好滿，其實係切到紙勁薄，擺入口就無左。
加上成個飯同材料基本上係無調味過，唔單止薄仲淡到無味…完全唔覺得自己食左野。
其實整得咁無心機，不如唔好整
屋企人嗌既甜品就好少少。
佢係一大杯布丁加一球雪糕，嚴格黎講唔算芭菲。
不過個布丁幾有奶香同抹茶香，QQ彈彈咁，都算好食。
