任你點車仔麵 (已結業)

今晚整完頭，近近地係深水埗覓食一間新新地既車仔麵。款式多，野食又唔差。首先黎兩個前菜先，不規則手拍青瓜&瑞士雞中奕講下個手拍青瓜先，本人就嘛嘛地芫荽既，但係好彩呢間既就係芹菜芫荽青瓜，再配合秘製麻醬，完全唔重芫荽味，我都食到丫。仲有瑞士雞中奕，超入味，同埋啲甜味，滷到淋曬，超好吃。講下主菜先，本人覺得日式叉燒好入味，不差於一般日式餐廳既叉燒。而韮菜餃雖然都ok好味，但啲肉太少，好易散，食落冇咁滿足。花膠都燜得幾淋既。日式糖心蛋超好味豬頸肉就太淋啦，啲脂肪都溶曬，反而仲冇咁好味啦～都係碳燒果啲最啱豬頸肉，可以將瘦肉同脂肪combine 埋一齊，口感好好多。＜純屬個人見解😄😄😄＞蘿蔔都好入味，墨魚餅就普普通通，不過厚實同有墨魚粒。特別推介:無冰凍奶茶，好飲，不太甜，又唔渴喉。價錢實惠下次可以試下啲菠蘿包，好似好吸引。