影片
更多
2010-11-06
23 浏览
尋晚(5-11-2010 Fri)同舊女同事JF,男同事BT食晚飯,返工後我好早o黎到,唔多人,我先坐低等同睇menu.佢o地到喇,同JF研究食咩o野,BT有會員咭同好多coupon,左諗右諗下決定要$280.00o既’盡情滿足2人套餐’,有:1. 兩個湯JF叫o左一紅一白,我同JF share忌廉湯,BT自己一個飲羅宋湯,忌廉湯都係一貫水準啦.2. 飲品兩杯,我同JF都要汽水,BT加$8.00要牛乳抺茶紅豆冰.我o地o既汽水就唔使講.而落單時,BT話要少冰,侍應話少冰會好淡,因為係碎冰,而啲冰就係牛乳抺茶雪成.啊.咁唔使少冰喇. o黎到,賣相同menu o既差唔多,而BT話好飲.我見啲紅豆都唔少,咁幾抵喎.5. BT用積分換o既蒜蓉包好耐冇食呢樣o野喇,o衣o家一條都好長,佢焗到有啲好燶,牛油幾多,但唔知點解冇o左以前好鍾意食o個種味道.4. 用生日coupon送o既唔知咩o野pizza,睇佢伴住一兜鍊奶就知佢係甜品,而pizza係冇乜料,就只有芝士o係面,先唔蘸鍊奶食,已經係甜甜地,個批好熱,批底都幾厚,再蘸鍊奶食,就過剩o左啲,不過當凍o左蘸o黎食就OK.而JF o既評語係似油炸
1. 兩個湯
JF叫o左一紅一白,我同JF share忌廉湯,BT自己一個飲羅宋湯,忌廉湯都係一貫水準啦.
2. 飲品兩杯,我同JF都要汽水,BT加$8.00要牛乳抺茶紅豆冰.
我o地o既汽水就唔使講.而落單時,BT話要少冰,侍應話少冰會好淡,因為係碎冰,而啲冰就係牛乳抺茶雪成.啊.咁唔使少冰喇. o黎到,賣相同menu o既差唔多,而BT話好飲.我見啲紅豆都唔少,咁幾抵喎.
5. BT用積分換o既蒜蓉包
好耐冇食呢樣o野喇,o衣o家一條都好長,佢焗到有啲好燶,牛油幾多,但唔知點解冇o左以前好鍾意食o個種味道.
4. 用生日coupon送o既唔知咩o野pizza,
睇佢伴住一兜鍊奶就知佢係甜品,而pizza係冇乜料,就只有芝士o係面,先唔蘸鍊奶食,已經係甜甜地,個批好熱,批底都幾厚,再蘸鍊奶食,就過剩o左啲,不過當凍o左蘸o黎食就OK.而JF o既評語係似油炸鬼,好攪笑.
3. 前菜
我o地揀燒嫩豬仔配田園沙律,
肉質夠腍,燒汁味道微甜,但我唔多鍾意.而田園沙律呢,蔬菜新鮮,不過沙律汁帶辣,我唔食得辣,就由JF,BT攪掂啦.
6. 大海斑火山批
好大個o架,但原來批底幾薄,而料呢,除o左有海斑外,重有蝦仁,車厘茄同蘑菇,我覺得蘑菇味道麻麻,海斑係有新鮮感,但唔太適合做pizza,其他冇乜問題,而一似波波o既批邊,只係面上有芝士,下面都係大大舊麵粉糰.整體o黎講呢個味道冇乜特別.
7. 忌廉泡芙
開頭以為得一個,原來有5個,我o地食喇,裡面係雲呢拿忌廉,而泡芙外層腍眠的,麻麻地.
最後,估唔到汽水唔使講,但暖水就要講,佢有陣唔知咩味.
環境:
自從由千色店搬o左過o黎後,呢次係我第一次o黎,呢間好細.
其他:
當個中年女侍應放低個pizza時,就話畀我o地知加黑椒會好食好多.然後又叫我o地寫意見表,讚一讚佢.
我覺得佢o地好慘,我支持佢o地工作,但唔支持資方咁做.唔係話佢要客人寫,而係,唔須要令佢o地增加更多壓力.我覺得資方表面支持中年就業,實際上就不願,手法卑鄙.
因有會員咭所以有折,埋單$240.00
张贴
