大馬路海鮮酒家 (已結業)

見宜家天氣咁爽，所以決定入南丫島行下同食海鮮。入到去行下睇下都差唔多一點，唔想行去洪勝爺灣咁遠，所以去左最近電廠嘅沙灘行下玩下水就算，行完見到呢間海鮮酒家就係沙灘隔離，又幾爽喎，我地見唔算熱就坐出面，職員都好有禮貌介紹菜式，入到來一定係食海鮮啦！四個人叫左白灼蝦(超鮮甜👍🏻）、蒜蓉蒸扇貝（正常）、鹽焗奄仔蟹（做得唔錯，好多羔膏👍🏻 ）、豉椒炒花甲（正常）、蒸魚（正常，無蒸老到）、椒鹽鮮魷（好味，薄粉，鬆脆👍🏻），蒜蓉菜心同密汁排骨（夠密味，唔硬👍🏻），餸都未上，見隔離枱碟豉油王炒麵 （超好味，乾身，唔油👍🏻）同肉絲炒麵（麵底脆卜卜）好正咁，即刻加單...😂總結，海鮮新鮮，小菜夠鑊氣，炒粉麵係驚喜，已決定今個月約friend入去行山，再來大馬路食過。小貼士，老闆娘教我地行則邊條小路可以直接去到阿婆豆腐花，真係近好多...LOL