❤️ 一口吉列豚肉 $32
一袋有十粒，豚肉球口感扎實，目測係將一塊塊豚肉搓成球狀，而唔係用豬肉碎！豚肉球無咩調味，但淋上甜辣味道嘅泰式雞醬，都算滋味👀
好食度：⭐️⭐️✨ (2.5/5)
❤️ 和風豚肉炒麵 $48
炒麵偏甜，醬料味道好似曾相識，唔係太似日式炒麵，反而似台式炒麵🧐 食到少少鰹魚碎，豚肉分量都唔少，有黑椒味，件件都大大嚿，食完成兜麵都幾飽肚！
好食度：⭐️⭐️⭐️ (3/5)
餐廳推薦度：⭐️⭐️⭐️ (3/5)
想換下口味嘅街坊都可以試下，價錢同食物質素都成正比，味道偏港式日本料理。
