Reserva Ibérica 西班牙小食吧及咖啡室 (海運大廈) (已結業)

放咗工約咗個朋友喺尖沙咀海港城行街順便搵嘢食，海港城通常人流多同埋D餐廳等好耐，我哋由海港城方向去LCX嗰條路見到一間好新嘅餐廳，入面冇乜人，裝修都幾有格調，就去試下。見到佢掛咗好多風乾火腿，好似係招牌菜。我哋都好肚餓所以就揀咗兩個意粉，一個卡邦尼西班牙火腿意粉，一個係辣肉腸番茄意粉，果然火腿嗰一碟比較好味，在卡邦尼意粉上面加咗一隻温泉蛋，賣相特別吸引，西班牙火腿味道好香濃，冇比卡邦尼醬汁遮住，值得推介，係唔錯嘅選擇。