米之寶 (已結業)

考試早放,但時間都係唔早,又係時候食晏...友人介紹呢度,於是就襯少人時黎呢度食...第一次黎呢度食,友人推介無名肉,就叫左個炸醬無名肉米線,小辣酸辣湯底+凍檸水...因為自己呢幾日傷風,唔食得咁辣...米線來得大碗,除左自選配料,碗米線仲有花生,芽菜,酸菜...米線較粗,頗淋,唔夠咬口...炸醬ok,無名肉好似係豬頸肉,但同我地平時食開的豬頸肉有d唔同,幾好食...酸辣湯底,小辣都ok辣下,但嫌唔夠酸...下次試下個麻辣湯底先...碗米線只食左三份二,已經好飽..但食辣的代價,就係喉嚨痛...