吉野家 (健威坊)

最近喺吉野家食咗佢哋嘅野菜煎雞飯，仲試左新推出嘅茶碗蒸。

野菜煎雞飯煎雞件煎得香口，外皮微焦，肉質嫩滑，冇雪味。醬汁唔會太濃，啱晒配飯。野菜同平時差唔多。

新出茶碗蒸係滑蛋蒸水蛋款，入口超滑，蛋香濃郁，有蟹柳同獅子狗做配料，味道偏清淡，帶少少高湯香。份量唔算大，但都係加8蚊就有，所以份量同味道都已經算唔錯。