影片
更多
2022-10-15
43 浏览
今日約咗同事一齊買外賣去戶外食，揀返呢間同點心餐廳，之前公司食team lunch 嘅時候食過呢間，覺得好食。今日揀咗幾樣之前食過好味嘅encore下再試下啲未食過嘅。首先講下炸物點心：簡單嚟講香酥脆就係基本形容詞，但係裏面嘅味道非常豐富。芝士鮮蝦腐皮卷平時出面就咁鮮蝦腐皮卷，呢到加咗芝士嘅味道又更加好味，同埋真係好脆好香。脆脆富貴紅米腸粉之前食過，好好食，入面唔係包油炸鬼，包左蝦卷，夠脆，蝦仁又彈牙，紅米腸粉皮夠煙韌，好味道！大澳鮮蝦鮮魷卷一試難忘，真係從來都未食過呢個配搭再炸成好似春卷咁，佢張鮮蝦同埋魷魚切成細粒再撈埋其他配料一齊包落去炸，咁樣食落去好有層次，外皮似越南個種網春卷，食落特別脆口，超讚！另外蒸點心：龍蝦汁墨魚燒賣朋友竟然咬到噴汁去我眼鏡，不過我地都無預到係會有汁包係入面，以為只係有落龍蝦汁，燒賣肉質非常彈牙QQ,上面再鋪埋少少蟹籽，脆卜卜。松露野菌晶瑩餃呢個又係要絕對推介嘅點心，淨係打開個盒已經聞到非常之香，而且佢嘅藍色外皮非常吸引，煙煙靭靭，餐廳整體嘅點心皮都做得非常之出色。夾埋裡面嘅松露同埋菇粒，齒頰留香，絕對大推！鳳爪拼金錢肚最傳統，正常嘅好味道，無出面酒樓醃得
首先講下炸物點心：簡單嚟講香酥脆就係基本形容詞，但係裏面嘅味道非常豐富。
芝士鮮蝦腐皮卷
平時出面就咁鮮蝦腐皮卷，呢到加咗芝士嘅味道又更加好味，同埋真係好脆好香。
脆脆富貴紅米腸粉
之前食過，好好食，入面唔係包油炸鬼，包左蝦卷，夠脆，蝦仁又彈牙，紅米腸粉皮夠煙韌，好味道！
大澳鮮蝦鮮魷卷
一試難忘，真係從來都未食過呢個配搭再炸成好似春卷咁，佢張鮮蝦同埋魷魚切成細粒再撈埋其他配料一齊包落去炸，咁樣食落去好有層次，外皮似越南個種網春卷，食落特別脆口，超讚！
另外蒸點心：
龍蝦汁墨魚燒賣
朋友竟然咬到噴汁去我眼鏡，不過我地都無預到係會有汁包係入面，以為只係有落龍蝦汁，燒賣肉質非常彈牙QQ,上面再鋪埋少少蟹籽，脆卜卜。
松露野菌晶瑩餃
呢個又係要絕對推介嘅點心，淨係打開個盒已經聞到非常之香，而且佢嘅藍色外皮非常吸引，煙煙靭靭，餐廳整體嘅點心皮都做得非常之出色。夾埋裡面嘅松露同埋菇粒，齒頰留香，絕對大推！
鳳爪拼金錢肚
最傳統，正常嘅好味道，無出面酒樓醃得咁咸，唔知關唔關加左紅腰豆事，食落無咁重口味，讚！
真係好食到不得了！
张贴
