咖哩葉

营业中

休息中

見有段時間冇食印度菜，所以今日專程去咗佐敦Curry Leaf食印度餐，因為見食評好多人都話好味 。去到見到個環境都好傳統嘅印度裝修，而侍應都係印度人，所以未食都知道係食正宗地道印度菜。 我哋叫咗羊肉咖哩角，五香炒烤雞，奶油烤雞，烤餅同埋牛油烤餅，烤餅超薄超脆，可點特製印度醬汁食，有酸酸甜甜嘅及辣嘅任君選擇 牛油烤餅比較大塊，用印度軟牛油製造，我就覺得呢個超好食，唔太油膩比較乾身就算唔點汁都好好味，如果點埋五香炒烤雞嘅咖哩醬食，又係食到停唔到口， 五香炒烤雞超滑，醬汁比較濃味但係咖哩就唔係辣，而奶油烤雞係用咗酸奶，奶酪，香菜同辣椒烹調，所以有食得出雞件好嫩滑，羊肉咖哩角又係我最鍾意食嘅其中一度菜，外脆內軟而且羊肉一啲都唔騷，點埋佢特製嘅bbq醬氲，正！下次我黎開油尖旺又想食印度菜一定會嚟返呢度食！