老媽拌麵 (將軍澳中心) (已結業)

老媽拌麵除咗可以買返屋企煮之外仲可以喺佢間餐廳食，餐廳環境好舒服，用木系風格，不過堂食嘅人唔多，希望佢唔會因為疫情而倒閉，蕃茄炒蛋拌麵我選咗配刀削麵$52，刀削麵同平時買返去煮嘅老媽拌麵質地一樣，上面嘅蕃茄炒蛋好有屋企嘅感覺，我覺得我下次可以係屋企煮返個八成似嘅出嚟，蔥油嫩雞拌麵配幼麵$62，餐牌已經講到明呢一款只能夠配幼麵，雞肉都算滑，蔥油好香，但係隻雞蛋就比較醜，可能煮耐左，下次要來試吓其他唔同嘅麵