佳記甜品 (已搬遷) 新店位置

難得入黎元朗，就當然要試下地標b仔涼粉同雞翼尖啦。去到當晚人山人海，相當利害，好彩就係泊好架車就立即有位，咁我地就叫左個雞翼尖同b仔涼粉啦！雞翼尖首先黎到，辣辣地相當惹味，佢個汁真係煮得好好食，辣辣地就真係正，令人更加期待甜品出現，來消一消辣味。好，跟住到涼粉出現啦，真係好大份量，令人無從入手，表面上睇黎都好多罐頭野，椰果，波羅，荔枝，桃，海底椰，蘆薈，所以味道都無咩特別，只有西瓜，蜜瓜，香蕉係即開，唔知係唔係我地期望過高，反而就覺得無咩特別，只係覺得好大碗law,不過總結黎講，都係ok呀！