影片
更多
2016-09-25
144 浏览
茶木分店越開越多，真係梗有一間係左近，是晚又黎到茶木，八點九黎到都仲要等位，好彩等三張就有枱了。好肚餓，即刻叫野食先，其實成日都係叫同款野 但見餐牌多左個新甜品好似好正咁，今晚試下佢唔食麵包個款先。燻鮭魚沙拉($68)，即係煙三文魚啦，用書面語叫即刻文雅哂 價錢親民，份量亦不少，三文魚有五片，仲有沙律菜，蕃茄仔，白洋蔥，麵包糠等，已預先混了白汁，但旁邊另有一個青色的沙律醋，重口味嘅我地就成碟落哂佢，兩個醬混埋一齊又唔錯喎，食落好清新。炸雞扒肉燥飯 ($64)，朋友點了呢樣，試了一塊炸雞扒，好香口又唔油膩幾正，飯算多，有肉燥汁，蛋同菜，又幾平衡喎。自己點左香菇水餃麵($64)，水餃有三隻，冬菇兩隻，麵都幾多。冬菇勁厚身，好爽口。水餃係厚皮個種，包住白菜豬肉，好飽肚。麵條係手功麵，粗幼不一，好煙韌。最正係湯底，好濃好鮮甜，差唔多飲哂 拔絲芋圓脆脆($74)，甜品比主食仲貴，無法啦，甜品先係主角嘛。賣相不好看，但一上枱已聞到甜甜嘅味道，刺激味蕾喎，即刻流哂口水。呢粒芋圓好好味，煙煙韌韌好彈牙，仲有橙色個粒都好彈，個粒好似係南瓜丸？！個拨絲用煉奶做的，又香又甜，雖然唔好睇但好好味。食台灣
好肚餓，即刻叫野食先，其實成日都係叫同款野 但見餐牌多左個新甜品好似好正咁，今晚試下佢唔食麵包個款先。
燻鮭魚沙拉($68)，即係煙三文魚啦，用書面語叫即刻文雅哂 價錢親民，份量亦不少，三文魚有五片，仲有沙律菜，蕃茄仔，白洋蔥，麵包糠等，已預先混了白汁，但旁邊另有一個青色的沙律醋，重口味嘅我地就成碟落哂佢，兩個醬混埋一齊又唔錯喎，食落好清新。炸雞扒肉燥飯 ($64)，朋友點了呢樣，試了一塊炸雞扒，好香口又唔油膩幾正，飯算多，有肉燥汁，蛋同菜，又幾平衡喎。
自己點左香菇水餃麵($64)，水餃有三隻，冬菇兩隻，麵都幾多。
冬菇勁厚身，好爽口。
水餃係厚皮個種，包住白菜豬肉，好飽肚。
麵條係手功麵，粗幼不一，好煙韌。最正係湯底，好濃好鮮甜，差唔多飲哂
拔絲芋圓脆脆($74)，甜品比主食仲貴，無法啦，甜品先係主角嘛。賣相不好看，但一上枱已聞到甜甜嘅味道，刺激味蕾喎，即刻流哂口水。
呢粒芋圓好好味，煙煙韌韌好彈牙，仲有橙色個粒都好彈，個粒好似係南瓜丸？！個拨絲用煉奶做的，又香又甜，雖然唔好睇但好好味。
食台灣野又一定要飲番杯台茶，要左一杯宇治綠茶奶蓋($33)同一杯黑糖奶茶($30)，綠茶味勁滑，奶亦厚實，正。黑糖奶茶有點過甜了，但叫少甜又好似失去左飲黑糖嘅意義
张贴
