英利餐廳 (已結業)

今日隨便行，行到呢間唔駛等位就走入去晚飯，叫咗 2 個餸，一個餸包例湯同一碗靚仔。餐廳光猛，但侍應就唔算 helpful，我哋見佢有私房菜，問吓佢係咪有大檯，2 個侍應掛住自己傾計就答話無，等佢哋傾完再問多次就話有 🙈另外有 3 位客話要等卡位，有檯客走佢哋無留比佢，反而另一檯客自己調咗過去，等位嗰 3 位後尾走咗。例湯應該係南瓜豬骨湯，湯渣淨係見到豬肉，味道可以，到主菜上檯，茄子班腩煲好油同偏咸，食完見到煲底層油都驚驚，另一個客家蚊腩肉就未蚊夠火喉，啲肉有啲靭，2 個餸都滯，所以 2 個人食咗一碗飯，啲餸都食唔晒!所以無人排隊係有原因嘅 🤣🤣