萬發海鮮火鍋菜館

今日係外父牛一外母訂咗七點食石頭飯一行六人浩浩蕩蕩去.當到達時真係比門口幢魚缸嚇襯真係包羅萬有,但我既目光好快比電爐燒緊既乳豬吸引過去.店內裝修平實枱與枱有足夠空間坐位唔算迫夾,一坐底一人點一個餸:
化皮乳豬~皮脆肉嫩連骨都食埋.

正 化皮乳豬

蒜蓉炒白菜仔~不過不失,味道一般.

1

蒜蓉炒白菜仔

椒鹽九肚魚~外脆內軟,十分冶味.

1

正 椒鹽九肚魚

薯仔牛柳粒~牛柳粒味濃鬆軟唔韌,薯仔煎過不會太糊口.兩者在中西餐都是絕配.

正 薯仔牛柳粒

雜菇粉絲蟹煲~肉蟹斤兩十足,粉絲吸收晒蟹既鮮味.但太咸,難以入口失敗之作.

差 雜菇粉絲蟹煲

萬發石頭飯~份量爆棚,配料豐富飯粒夠乾身但唔夠飯味.

1

萬發石頭飯

豉汁炒蜆~豉汁太濃蓋過晒蜆味亦略為咸了點.

差 豉汁炒蜆

海皇豆腐羹~原全無味,好似將啲料白烚完回鑊打茨咁.

1

差 海皇豆腐羹

埋單時數一數六個人食七餸一湯都真係幾誇......
順帶一提全場兩層廿幾三十張枱得六七個伙計,叫餸出菜同招呼唔使講都係差啲要有心理準備.仲有個洗手間唔只細仲唔多乾淨,如果忍到就返屋企喇!