元祖沾麵專門店 (已結業)

午市後幾一點九入座，都有7成滿，唔使等位，被安排坐面向牆嘅單人位，座位下有藤籃可以放袋。

叫左一個濃厚海膽芝士沾麵，等左15分鐘，上枱時石鍋好熱，芝士汁好滾動咁，而且海膽一小板咁上，睇落好吸引嘅。

沾麵細size都180g，女仔食會太多，而且芝士汁好濃厚，沾麵食味道剛好，又夠熱，但食到一半好膩，好彩有半個青檸加入沾麵上，平衝番啲。

海膽睇就好睇，呢個價錢都唔好期望有北海道嘅質素，味道非常一般，加左同冇加唔大分別。最可惜食到後面發現海膽有條小毛髮，衛生質量控制要好好注意。