一入坐職員就要求我地每位最低消費一杯飲品，好似board game 同貓貓cafe嘅模式。當年印象冇設最低消費。飲品普偏都40幾蚊以上，對於唔鐘意飲野嘅我係唔情願抵下夾硬點咗杯。
小食併盤-小份 （$92）
餐牌上就寫咗好多款炸物小食，上枱就冇咁多。命運賭城，我估個名有意思，就係睇運數，上咩就食咩，冇得你揀。 黎到有炸雞，炸薯角，炸魚手指同炸洋蔥圈。新鮮炸起嘅，熱辣辣，夠脆口。
卡邦尼意粉 （$92）
份量唔算好多，味道正常。
黑松露野菌飯 （$106）
呢個飯口感唔錯，不過味道好淡，除左黑松露味，唔係好食到其他味道。
三個人雖然點咗唔係好多野，不過食完都好濟好飽。
整體食物普通，設最低飲品消費後價錢偏貴，另外餐廳音樂有點過大。
