影片
更多
2007-08-25
6 浏览
今晚同一大斑同學慶祝某2位o既生日, 投票結果係較多數人想打邊爐, 所以就有人提議呢度啦.一坐低即刻覺得呼吸困難, 因為全場漓漫住一陣沙嗲味, 就算我唔係太食得辣, 但都冇理由會咁o麻, 即刻連打幾個乞chi! 唔止我, 連其他有戴con o既同學都同意對眼好乾好"gip", 充滿住辣油o既感覺! 我諗小肥羊要o係通風方便改善一下啦.至於食物, 我地叫o左個鴛鴦湯底, 但發覺原來個個都食唔到辣o個邊, 實在有D恐怖, 因為有好多辣椒淨o係湯面, 同埋係非常鮮紅色. 另一邊係藥材湯底, 有當歸, 紅棗同好多蕀, 都唔錯. 我地總共點o左三十幾種配料, 都係好一般o既o野, 都不值一提啦, 冇驚喜但又冇失望啦.服務方面, 待應反應同動作都比較慢, 有同學形容為極似北上食o野咁慢. 最好笑係我地準備o左蛋糕, 個侍應就咁放個蛋糕上枱面就算, 要我地要求先識幫我地清理枱上D碗筷, 都未算, 呢個侍應放低蛋糕後拎住4支叉同我地講佢地得4支叉(我地總共有10人), 其他人介唔介意用筷子食! 真係大家都O晒嘴, 咁大間o野竟然得4支叉??? 跟住我地叫個部長幫我地執枱時佢吩咐完個侍應之後, 轉個頭拎
一坐低即刻覺得呼吸困難, 因為全場漓漫住一陣沙嗲味, 就算我唔係太食得辣, 但都冇理由會咁o麻, 即刻連打幾個乞chi! 唔止我, 連其他有戴con o既同學都同意對眼好乾好"gip", 充滿住辣油o既感覺! 我諗小肥羊要o係通風方便改善一下啦.
至於食物, 我地叫o左個鴛鴦湯底, 但發覺原來個個都食唔到辣o個邊, 實在有D恐怖, 因為有好多辣椒淨o係湯面, 同埋係非常鮮紅色. 另一邊係藥材湯底, 有當歸, 紅棗同好多蕀, 都唔錯. 我地總共點o左三十幾種配料, 都係好一般o既o野, 都不值一提啦, 冇驚喜但又冇失望啦.
服務方面, 待應反應同動作都比較慢, 有同學形容為極似北上食o野咁慢. 最好笑係我地準備o左蛋糕, 個侍應就咁放個蛋糕上枱面就算, 要我地要求先識幫我地清理枱上D碗筷, 都未算, 呢個侍應放低蛋糕後拎住4支叉同我地講佢地得4支叉(我地總共有10人), 其他人介唔介意用筷子食! 真係大家都O晒嘴, 咁大間o野竟然得4支叉??? 跟住我地叫個部長幫我地執枱時佢吩咐完個侍應之後, 轉個頭拎o左10支叉比我地喎, 真係好奇怪; 另一奇怪係我地點配料時點o左魚皮餃, 隔o左陣有位侍應同我地講冇晒, 但到上菜時又突然出現! 完全一個謎呀!
到埋單時我地check到佢計多我地一jar飲品, 好在我地唔係叫好多o野飲, 唔係一定check唔到, 另外, 我又聽到另一枱又係計錯單, D 單咁混亂, 點得o架!
P.S. 今晚最好味o既係同學T小姐親手整o既mousse cake, 多謝妳百忙中花心機&時間做蛋糕我地食, 好好味呀!
张贴