丸作食茶 (已結業)

食完中午飯，試下啲新野先，叫埋同事兩個走去試中環新開張飲品店 “丸作食茶”，店員推介我地試佢地既招牌飲品📜，而我因爲偏愛綠茶製成品，所以揀左招牌飲品中排第四位既「宇治綠茶白玉」🍵。綠色既飲料加上一粒粒晶瑩剔透既珍珠，賣相就好清新喇，即刻試一啖先，點知···第一個感覺係，好腥！之後再試多啖，好甜🤢！第三啖，明明冇紅豆，點解有紅豆味既😱？係咪我味覺有事？成杯野感覺怪怪的😖。總結，我建議大家叫依款飲品前如果唔係太受得甜飲的話，揀少甜或半糖會比較好，珍珠係幾好味既，至於綠茶味同我想像中既味道係有啲出入，其實成杯野出左事既地方係甜度，或者少甜會好好多😉。