我拿拿聲打去BOOK枱同男朋友黎食,
餐廳叫 1963木十豆寸,
原來已經推廣緊聖誕套餐啦~
頭盤係三小碟, 好得!
唯其是黃色果片冬瓜!!!
真係極好味, 同埋食唔出係冬瓜!
之後就上鳳梨苦瓜湯,
其實有兩個湯比我地揀, 不過見近排熱氣,
飲苦瓜可以清熱!
鳳梨苦瓜湯比較特別, 菠蘿中和左苦瓜既澀味,
反而有點微酸呢~
呢個菜叫 月見過貓,
其實唔知係咩菜啊, 見個名咁得意就試下啦~
係台灣名菜, 幾好咬口的!
主菜我地點左黑豚豬架,
配菜裝飾帶有聖誕氣氛;
配合埋旁邊既洛神花醬汁
勁勁勁好味呀!
之後仲可以揀選滷肉飯或麻醬拌麵...
台灣野梗係揀滷肉飯啦,
個汁調得好正喎, 真係帶有台灣味喎!
食埋滷肉飯已經好飽, 但甜品又係好好味,
呢個係Lady M版既tiramisu, 唔會濟或漲,
而且甜度剛剛好; 如果送多件我都食得落, 哈~
聖誕套餐原價為$299,
早鳥優惠$249, 好在打黎BOOK咋, 呵 ^^y
另外, 餐廳勁多打卡位, 由門口位就開始拍啦,
同大家分享幾張懷舊風吧~
