Shari Shari Kakigori House 氷屋 (已搬遷) 新店位置

Shari氷係中環食晚飯，飯後當然要食甜品啦，見shari氷係附近就決定走過去，竟然無乜人排隊喎，真心好彩！因為離開個時已經見到長長既人龍，店內坐位較少，排到咁長龍都唔知幾時先有得食。入內order完等食期間觀看店員的工作，一大盤冰的製作都真的不容易，充滿技巧，而部製冰機絕對是店內的重要靈魂。- 青檸忌廉芝士味 – 選擇困難症發作下，幾經艱辛揀左青檸忌廉芝士味，酸酸甜甜，非常醒神。但真係要跟足店內的指示進食，由上而下，否則好容易成盤冰下場，咁就浪費了。初時仲質疑究竟兩個人食唔食到咁大盤冰，但擔心真係多餘，你一啖我一啖好快就已經清哂。- 厥餅 – 加$48有厥餅，配上黃豆粉加黑糖醬，都好食。仲有幾隻口味都有興趣，但據聞銅鑼灣分店長期爆滿 + Keep住勁長人龍，而中環分店雖然相比之下係少人D，不過係半山，行到喘哂氣都仲要博下會唔會真係少d人等位！希望再有機會再來食另一隻味道啦。